მეღვინე

წინანდლის მამულის მთავარი მეღვინე და ექსკლუზიური, გამორჩეული ღვინოების შემქმნელი, დავით მაისურაძე, წინანდლის მეღვინეობას 1988 წლიდან 1991 წლამდე ხელმძღვანელობდა. ის განახლებულ წინანდლის მამულს 2013 წელს დაუბრუნდა.

„ახლა, წინანდლის მარანში ტექნოლოგიურად სრულიად განსხვავებული სიტუაციაა“, - ამბობს ის.
„ადრე შერჩევა სხვაგვარად ხდებოდა და მარანს საკუთარი ვენახიც კი არ ჰქონდა. დღეს წინანდლის მარანს საუკეთესო ვენახი აქვს, უნიკალური ტერუარით, ასევე უმაღლესი ხარისხის მანქანა-დანადგარებითა და ტექნოლოგიური აღჭურვილობით, რაც მას საუკეთესო ღვინოების წარმოების შესაძლებლობას აძლევს.“

2013 წელს მაისურაძემ წინანდლის მამულის ყველაზე კრიტიკული ოპერაციის - მეღვინეობის - ხელმძღვანელობა ჩაიბარა და ახალი ხედვა და ინოვაციური იდეები მოიტანა. მისმა დაბრუნებამ მალევე გამოიღო ნაყოფი:
ისეთი გამორჩეული ღვინოების შექმნა, როგორიცაა არომატული, მაღალალკოჰოლური შემცველობის Natella , მუქი შინდისფერი Sophia და მდიდარი, ელეგანტური Nino Veuve Griboedow და სხვა შედევრები.

წინანდალში მუშაობის გარდა, დავით მაისურაძე აქტიურად თანამშრომლობს წამყვან ევროპულ ღვინის კომპანიებთან და იტალიელ, ფრანგ და გერმანელ მეღვინეებს ღვინის წარმოების საკითხებში ექსპერტულ კონსულტაციებს უწევს.