წინანდლის ფესტივალი

წინანდლის ფესტივალი ქართული არაკომერციული ფონდია. ჩვენი მთავარი მიზანია მუსიკის ენის გავრცელება რეგიონში, ევროპისა და აზიის გზაჯვარედინზე.

თავისი მისიის შესასრულებლად, საქართველოს მთავრობასთან და გულუხვ კერძო მეცენატებთან თანამშრომლობით, წინანდლის ფესტივალი ისტორიულ Tsinandali Estate-ში დაარსდა — კახეთის გულში, რომელიც საერთაშორისო ჯილდოებით აღიარებული ღვინოებით არის ცნობილი.

ფესტივალი წინანდალში მთელი მსოფლიოდან იზიდავს გამოჩენილ შემსრულებლებს, დირიჟორებს, კომპოზიტორებს, მუსიკისმცოდნეებსა და ხელოვანებს. ფესტივალი კავკასიისა და მეზობელი ქვეყნების ახალგაზრდა მუსიკოსებს იშვიათ შესაძლებლობას აძლევს, გაიცნონ მუსიკის სამყარო და მუსიკალური განათლება გაიღრმავონ პროფესიულ სემინარებსა და მასტერკლასებზე, რომლებსაც დღევანდელი კლასიკური მუსიკის ყველაზე ცნობილი სახეები უძღვებიან.

წინანდლის ფესტივალის დამფუძნებლები არიან გიორგი რამიშვილი (Silk Road Group-ის დირექტორთა საბჭოს თავმჯდომარე), მარტინ ენგსტრემი (ცნობილი ვერბიეს ფესტივალის დამფუძნებელი) და ავი შოშანი (ვერბიეს ფესტივალის თანადამფუძნებელი და ისრაელის ფილარმონიული ორკესტრის გენერალური მდივანი). წინანდლის ფესტივალი პირველად 2019 წლის 8 სექტემბერს გაიმართა და ყოველწლიურად იმართება.