სასტუმრო რადისონ ქოლექშენი

სასტუმრო „რადისონ ქოლექშენ წინანდლის მამული“ სილქროუდ ჯგუფმა 2018 წლის შემოდგომაზე გახსნა. რეგიონის მასშტაბით პირველი 5-ვარსკვლავიანი საერთაშორისო ბრენდის სასტუმრო მოხდენილი არქიტექტურით და განსაკუთრებული, ელეგანტური დიზაინით ქართული კულტურული მემკვიდრეობის ძეგლის - წინანდლის მამულის ჰარმონიულ ნაწილად იქცა.

სასტუმროს უნიკალურ არქიტექტურასა და დიზაინის კონცეფციაზე მსოფლიოში ცნობილმა არქიტექტორ-დიზაინერებმა იმუშავეს: ესპანელ-მექსიკელი არქიტექტორი კრისტინა გაბა, გერმანელი განათების დიზაინერი ინგო მაურერი, აკუსტიკის დიზაინერი დამიენ ფიგუერა და ქართველი ხელოვანი და მოქანდაკე თამარ კვესიტაძე.

რესტავრატორების ძალისხმევით, სასტუმრო შეუერთდა მამულის ისტორიულ შენობას, ალექსანდრე ჭავჭავაძის ენოთეკას. სასტუმროს ახალი შენობა ძველი ღვინის ქარხნის ფლიგელს შუშის ხიდით დაუკავშირდა და ასე იქცა ორსაუკუნოვანი ისტორიის ორგანულ ნაწილად.

„რადისონ ქოლექშენ წინანდლის მამულში“ 124 სხვადასხვა კატეგორიის ოთახია განლაგებული. ენოთეკისა და ძველი ქარხნის არეალში განთავსებულია თავადი ალექსანდრეს რესტორანი,, საიდუმლო ოთახი, სხვადასხვა ზომის საკონფერენციო ოთახები და „ღვინის ბარი გაუმარჯოს“. აქვეა ეთნიკური და მოდერნისტული დიზაინის ეკლექტიკით შექმნილი ლაუნჯის სივრცესასტუმროს ერთ-ერთი ყველაზე ეგზოტიკური კუთხე - „ეგვიპტური ოთახი“.. სასტუმროს ამ ულამაზესი ფლიგელიდან, რომელიც თამარ კვესიტაძის ხელითაა მოხატული, წინანდლის ბაღის წარმტაცი ხედი იშლება.

„რადისონ ქოლექშენ წინანდლის მამულში“ დიდ ყურადღებას უთმობენ ეკო-ტურიზმის განვითარებას. ამასთან ერთად, სასტუმროს სტუმრებს წინანდალში აქტიური, ჯანსაღ ცხოვრების წესზე მორგებული, გამართული ინფრასტრუქტურა ხვდებათ. სასტუმროს ტერიტორიაზე მოწყობილია ველო-ბილიკები და ჩოგბურთის კორტები.

წინანდლის ეზოში 1000 ადამიანზე გათვლილი, აკუსტიკურად მოწყობილი ამფითეატრი და 600 ადგილიანი დახურული საკონცერტო/საბანკეტო დარბაზია განთავსებული, სადაც ნებისმიერი ტიპისა და მოცულობის ღონისძიების ჩატარებაა შესაძლებელი. 2019 წლიდან სწორედ აქ ტარდება წინანდლის საერთაშორისო კლასიკური მუსიკის ფესტივალი.